مادام حنحب بعد فى يوم واحد بس ونكره بعض بقية السنه ونقدر الأم فى يوم واحد بس ونعيل فىيوم واحد بس كمان
ماتيجوا نصارح بعض ولو ليوم واحد بس ويبقى فى أخر السنه 31/12 العيد القومى للصراحه
تقوم الصبح من النوم تغسل وشك وتلبس هدوم العيد الفحرقى وتقف قدام المرايه وتواجه نفسك بالحقيقه المره
يعنى تكشفها على بلاطه ومن الأخر وكل اللى عمال تهرب منه طول السنة تجيبه كده قدامك وتطلع البلااااااوى
ويمكن والله أعلم تكون نضيف زى الفل بس الإحتطياط واجب برده وخلى جنبك شنطة الإسعافات الأوليه عشان لو حبيت تكسر المرايه الغلبانه اللى ملهاش ذنب الا انها كشفتك
وبعد كده تنزل بقى تعيد على صحابك والناس اللى تعرفهم
وأول واحد مش طايقه تقابله تروح رازع له الكلمتين اللى مزنوقين فى زورك من اول ما عرفته وتشفى غليلك كده
يا سلام ده حيبقى يوم عسل
وبعد كده تروح لأى يوم واحد بتحبه مخصوص وبتستريحله إديله كلمتين حب على احترام على على .. ضبطه يعنى
ويا ليلك يا سواد نهارك لو قابلت واحد بييكرهك .. حتتبهدل اه ماهو ربنا بيخلص ابدان على ابدان
ومتخفش شويه ويمكن تتظبط من حد بيحبك
وتبقى كارثه لو كل البشريه بتكرهك انت وحظك وعاميلك بقى
خلاص كده كفايه عليك روح بقى الوقت إتأخر مش كده يعنى
واقف قدام المرايه تانى لو كانت ما اتكسرتش شوف كل أراء الناس فيك وحاول تبقى بجد بجد
صريح مع نفسك
وتنام ان شاء الله وانت مرتاح بس اتغطى كويس عشان الكوابيس
وتانى يوم ولا كأنى حصل حاجه زى أى عيد من الاعياد المفتكسه
وبالشفا ان شاء الله
20 comments:
ازيك يا فانتازيا
انا جيت ازورك اهه
بالنسبه لعيد الحب مش معناه اننا نحب بعض اليوم ده وننسي بعض الايام التانيه لكن انا شايفه انه فرصه جميله ان الناس يفتكروا بعض بكلنه حلوه او بورده و ممكن اتنين يتصالحوا عشان كده احنا المفروض ناخد الجانب الايجابي منه
انا شايف ان كلمة عيد لا تعني اطلاقا لزوم الفرحه في هذا اليوم دون باقي الايام
ولكن هي فرصة بسيطة تمكن المنشغلين دائما في دنيا التلاهي .. من اظهار مدي حبهم للاخرين
وهذا ايضا ليس معناه ان لا يعبر الانسان عن مدي حبه لشخص ماه الا في هذه المناسبة فقط
اما بالنسبة للصراحه فانا اعتقد ان يوما كهذا لن يجدي معنا نفعا ابدا
اتذكر الان مشهد من فيلم ارض النفاق بعد ان رمي فؤاد المهندس حبوب الاخلاق في ماء النهر
تخيلي ليوم واحد كل السنه البشر تنطق بالصراحه
اعتقد ان خلال هذا اليوم فقط قد تقوم امم وموت اخري
فهناك شعوبا باكملها تعيش علي كذبة وهناك شعوبا اخرين يتعايشون علي الاوهام
احمد الله الان انه خلق لنا الكذب كي نستطيع العيش في راحه
تحياتي اليك يا توهه
الحب نعمه ربنا ادهالنا بس اللى يستغلها صح وكمان مش عيب ان الواحد يفتكر صحابه اكتر فى اليوم ده ويحاول يصالح اللى متخاصم معاهم الدنيا مشاغل وكمان بالنسبه للصراحه صعبه لان الناس نفسها منافقه وبتنا فق على بعض ولازم الواحد ميتعاملش مع حد اصلا لان كلهم كدابين وكلهم شبه بعض الواحد ينتحر احسن والله
لسه فاكره
هى دى لعبة خمسه صراحه بقه
هههههههههههههههه
هههههههههههههه
فكرة حلوة مووووت
بس اللى دايما صريح مع الناس فى احساسه بيهم مش هيبقى اليوم دا مختلف عنده
أعتقد انى من النوع ده
بس اكيد العيد ده لو حصل هقدر أعرف رأى الناس فيا واحساسهم بيا بصراحة
لكن احساسى بيهم أكيد مش هيكون جديد عليهم
سلام ياقمر
نهر الحب
مش مقتنعه به برده اللى عايز يفتكرنى يفتكرنى كل يوم وفى باله على طول
وهو اساسا معمول عشان الكابيلز وهذا مايعطيه المعنى المشوه
وبغض النظر عن اى حاجه
هو كان مدخل عشان ادخل على العيد الصراحه
ادم المصرى
يا عم الفصحى انت يعنى الموضوع عامى وانت بتتفصح
ماشى ... وانا لا أرى فى الكذب شئ يحمد عليه
انا من حقى افضفض ولو ليوم للغايظنى بعتبرها نوع من التحرر من سجن الأقنعه
اى احد
ما هذه السوداويه وفى ناس كويسين وناس وحشين كلنا يتوفر فينا الحلو والسيئ
بس من حقنا ان نصارح بعض مش لازم نشتم بسنفوسنا تتصافى مع بعض
بياتريتس
فاكره ايه ؟؟؟
بس ماعلينااا
وايه خمه صراحهدى اول مره اسمع عنها
عين ضيقه
صح عندك حق
ولتانى مره مش عارفه لما بدخل البلوج بتاعك بيظهرلى هيلوغريفى
بس خير ان شاء الله
تمام جدا العيد دا
بس ليه مايبقاش يوم 1 ابريل
ههههههههههه
ابدا والله مش عشان حاجة
بس اهو اقرب شوية اصل على اما ييجي 31 ديسمبر ده هانكون نسينا
انما
حلو اوي يعني
صعبة
صعبة اوى
انك تواجهى نفسك
دى اصعب حاجة
ايه يافينو الاغنيه الروعه دى
دى اهداء لمين بقه!!!!!!!!!!!!!ههههههههههههههه
اكيد مش لى صح
توهة
ايه الافكار الجامدة دى
عيد صراحة ايه بس
ماينفعش
والا كل الناس هاتلاقيها خاصمت بعض ..وسابت بعض
والمستشفيات بقى هايبقى الشغل فيها على ودنه
للاسف يا عزيزتى ماينفعش..
لاننا ماعندناش استعداد اننا نسمع او نشوف عيوبنا..
كل واحد فينا متخيل نفسه ملاك ..والناس كلها هيا اللى وحشة ومعندوش استعداد انه يتقبل انه بشر خطاء
يوم مانقدر انا نواجه نفوسنا الحقيقية ..نبقى نعمل العيد ده
وسلام بقى على كده
كل سنة و أنتم طيبين
هية قكرة حلوة
خليك معاية
خمض عنيك
تخيل ان الفكرة عجبت الناس وبيعملو بيها
اتشطف والبس لبس عادى بلاش بتاع العيد عشان ميفتكروش انك وافقت على الفكرة
افتح الباب شايف اية ادة الجران نزلين ضرب فى بعض سيبك منهوم محدش هيكلمك عشان انتا مش موافق على الفكرة
انزل الشارع بس خد بالك من نفسك عشان انا مش مسئول
شايف اية ادة دة الناس بتضرب العساكر والظباط .
سيبك منهو ادة بص على النحية التنى مش دول الظباط ادة بيضربو القادة بتعهوم
دة الناس اتجننت
ياخى ملاعون ابو عيد الصرحه
يلة روح ونام وانس مفيش احلة من النفاق والكذب
أريسطو
ده نظام كدبة ابريل ولا ايه
هو لازم فى الأخر عشان بلاوى السنه كلها تتجمع ولعلمك مافيش اسيه بتتنيسى
الورده السوده
ماهى دى جوهر العيد وهو ده اساس نجاحه وانا مقترحاه عشان كده
بياتريتس
اهداء ياسيتى لكل الناس اللى محتاج التانى يروحله
كارمن
والله منوره يا باشا
ماهو هدف العيد ده ان الواحد يعرف انه مش ملاك وعمره ما حيبقى كده لأننا بشر
وزى ماقلت للورده السواده برده
كائن العزله
وانت طيب بس لسه بدرى يعنى على العيد
وعازين صراحه من النوع الجامد يعنى هى دى العديه
طارق مكى
هو عشان نتصارح لازم نضرب بعض
انا بقول صراحه مش بجاحه
نتكلم بشكل عقلانى ومذهب وكل واحد يكون مهيأ نفسه إنه ممكن الناس تقله اللى مش على مزاجه
هو ده الجوهر التانى للعيد تقبل النقد
والله دى فكره اللى مش قابلها مينفذهاش ونام انت وانت منافق الناس براحتك
اما انا لا
وتحيااااااتى
انتي ليه غيرتي اسمك
انا مكنتش واخده بالي
انتى فعلا معاكى حق فى موضوع الصراحه ده
يعنى لو اخر يوم فى السنه يبقى هو يوم الصراحه
فعلا ايه اللى هيحصل
على العموم بالشفا على رايك
وفى النهايه سلامى
وربنا يوفقك
وفي اليوم ده تفتكري ممكن نخسر اللي بنحبهم والي بيحبونا
اصل ممكن يوقلوا حاجات مش عاجباهم فينا ونقول حاجات بتحرق دمنا فيهم
بس الفكرة كويسة ليها وجهين يا حنصلح يا حنتدمر
3ala ra2yeek lo kona sora7a kan zaman ba2ena 7aga tanyia 7'ales besar7a youm el Valantine daa kan hayen 3ala manzelish men el beet. Ma3lish hane3mel eih 2as7ab el 3o2ool fee ra7a
توهة
والله يا ريت نقدر نواجه نفسنا ولو حتى ساعة
عارفة ان النفس البشرية بترفض النقد واغلب الناس بتنفعل لما بتواجه بحاجات فيها وكان المواجهه بالركن المجهول ده صدمة
يعنى جربتى جلسة الصراحة مع اصحابك واخواتك ان كل واحد يقول عيوب التانى بتتحول بقدرة قادر من مصارحة لخناقة لرب السما ما بتنتهيش غير بخلاص احنا مكنش قصدنا
ما بالك بقى بناس كتير حوالينا يا ترى يوم مصارحة هيعمل ايه
ممكن نعمله فى المستشفيات احتياطى فى قسم الطوارئ الطف مع ارتداء اللون الابيض رمز براءة الحملان
تحياتى
مش موافق طبعن انى اكون منافق او اكون كذاب
لكن الحالة وضحة ومش محتاجة وضوح
النهردة الكل بيزعق على اتفه سبب
يعنى الناس بطلت تسمع حاجة اسمها نقد
انا موتى وسمى الكدب مش مبعرفش اكدب لاكن انا واحدة من الناس بحس انى لمة اكدب على اى حد دة كدة انو بتعدة حدود الله
يعنى مش خابف من الله وخيف من عبد
ومش عوزك تزعل منى لانى معتبرك صديق
بس والله هو دة الى بيحصل ناس مش عوزة حد مخالف ليها
كل واحد عوز يفرض رائيو هوا وبس
وانا اسف لو زعلات منى
والله فكره جامده مووت
بس صدقيني اليوم ده مش هتلاقي حد في الشارع ويمكن يبقى اجازه رسميه لأسباب امنيه
تخيلي بقا لو السنه كلها كده و كمان العمر كله كده
Post a Comment