لم تتكلم .... ولن تتكلم ...فثوارات الغضب الملتهبة تغفو بين أذرع الصمت واكتفت بأن تكون أحد الهوامش الحياتية ليكون لبقية الصفحة بريقها ولمعانها المطلوبان قد راودها حلم نهاري ساطع وأفاقت على كابوس ليلي حددت ملامحه إلتواءات العزله
فطالما أرادت إمتطاء صهوة جوادها الورقى وتقطع بسيفها الحبري عناقيد العبارات التى تختبئ وراء عفن لا تستوعبه
فإضطرت من إتخاذ القوالب التقليديه كهفا لها
ومن نزول لنزول ومابينهما إرتدت زيا لتلامس به أناس بعيدا عن إلتواءات العزلة
فكانوا يتخذونها مسكنا لحماقاتهم اللحظيه وعندما يفيقون لمرارته يتقيؤنه فى اليوم التالى
فصارت كيانا يتخذ حيزا من الفراغ ولكنه غير مرئ
للحدوته بقيه ...............
20 comments:
قوية جدا
:)
أتمنى إن البقية يكون فيها
(عودة)
عجبتنى جدا على فكرة
قوليلها بقى انها ممكن متكونش هامشية ولا حاجة
هيا بس فاكرة كده
وقوليلها كمان ان الحلم لسه مضاعش
هيا لو عايزة حاجة وبتحلم بيها بجد
هتسعى علشان تحققها
قوليلها كمان ان اللى يفرق حد عن حد
هو ثقته فى نفسه
وسعيه لتحقيق اللى هو عايزه
قوليلها كمان اننا كتيير بنحس زيها كده
وكتيير بتحصلنا مواقف نحس فيها بكده
بنزعل اه
بنتضايق وبتصعب علينا نفسنا
بس فى الاخر
كله بيعدى
واللى بنستفيده اكتر كتيير
تحياتى
(بيتهيألى بقى لو قلتيلها كل اللى قلته ده ..التكملة هتكون مليانة اشراق وامل ..ولا ايييه )
:)
رائعة .. ومستنية الباقي
حاسة ان الاسلوب غير واضح و في معاناه
حاولي تكتبي بسلاسة اكتر
و حددي افكارك
تحياتي
أيوة كدة يا بتبوتة
واضح جداااا ان كتابتك بتتقدم قوي
البوست شديد
و الصورة اختيارها ذكي
أكبر ميزة للكتابة هنا عن باقي كتاباتك ان مافيهاش الحس الوعظي المباشر اللي في كتاباتك التانية
كده بقينا بنبدع بجد
ومالوه لما تكون هامشية
مش وحش
انا عن نفسى مش شايفاها مآساه
مستنية الباقى
يسعدنا تشريفك
www.blogs4arab.com
فعلا البوست قوي جدا
بس حاسس ان حد تاني اللي بيتكلم
احمد الحلو مثلا
تحياتي
بجد بجد بجد أنا فرحانه جدا بالتعليقات الإجابيه دى أصلها اول تجربه لى بالشكل ده نقول يعنى حظ مبتدئين ومكنتش متفائله خير ابدا عشان نتائج البوست اللى فات بس انا هرشت اللعبه
السيد المحترم جدا موروووووووو
متحرقش الباقى بقى عيب
وربنا يخليك يارب
zordeak
كل كلمه توصلها ان شاء الله
وبجد كلام مشجع وجميل ومتشكره جدا على الأهتمام
لمياء
الباقى نازل فى السكه اهو لا تقلقى
سمباتيك
بصى بقى حقولك على اصل اللبه سابقا انا كنت بكتب بأسلوب واضح جدا ومفهوم بشكل فاضح والدليل حتى البوست اللى فات اللى هو طائر الرخ بس اللى اكتشفته انى الاتجاه السائر اليومين دول هو سبر اغوار النفس بغموض بحيث انى المس منطقه حساسه عند الانسان بس الغموض عنصر اساسى
يعنى وكلها وجهات نظر
بس تشريفك نورنى اكيد
شغففففف
هنا يا جدعان ايه ده ازغرط للأسف مابعرفش
مانا فهمت ده اخيرا بعد ما اطلتمت فى البلوجان والنادى الادبى يلا محدش بياكلها بالساهل
والصوره ولله الحمد مسروقه
ومين عاشر القوم بقى ياسيتى
وبجد شرفتينى جدا واتمنى الزياره الدائمه لأنك رأئك بيهمنى
الورده السوده
ماهى بتختلف من شخص الاخر وواضح انك بتحبى الوحده زى ما قريت فى التاج
بس فى ناس بتحس ساعات بالإهمال الشديد من قبل الناس التانيه يعنى مش وحده اختياريه لأ هى مفروضه
بس قويه وخليكى كده ولا يهمك
بلوج العرب
تمت الزياره والحمد الله
ايسطو
ياراجل انا قلت انك نسيتنا بقى محناش قد المقام
ههههههههههه احمد الحلو اللى لما بقرأ كتاباته بحس بحاجات كده بلاش تعرفها احسن ...
يا سيدى ربنا يوعدنا
وسلام مربع جامد قوى لكل اللى علق هنا
يااااااااااااااااه
انتي دايما تفاجئيني قصة كدا
تخبطني فوق نفوخي
هامشية .ز دا العنوان
اولا مش قوي
مش بنفس قوة القصة
حلو التواءات العزلة .. تعبير جديد
بالنسبة للمضمون
انتي دايما مصممة تخبطيني فوق نافوخي باي قصة من عندك
مش عارف ليه غلب عليكي استخدام الضمير المؤنث كبطل .. مع ان احداث القصة واقعية جدا .. ممكن تحصل لمؤنث او مذكر عادي
في الحالة دي بيكون ضمير المذكر اعم واشمل وخدي بالك يكون في علمك والله دي مش عنصرية
ثانيا وصفك الدقيق لبعض الاحساسات الدقيقة .. عجبني جدا
واستخدامك لصور جديدة في تعبير رائع بيدل علي مهارة فائقة
********************
فإضطرت من إتخاذ القوالب التقليديه كهفا لها
**
إرتدت زيا لتلامس به أناس بعيدا عن إلتواءات العزلة
**
يفيقون لمرارته يتقيؤنه فى اليوم التالى**
فصارت كيانا يتخذ حيزا من الفراغ ولكنه غير مرئ
**********************
بجد تسلم اديكي .. بس ياريت ما يكونشي لها اثر نفسي عليكي انتي
تحياتي
بداية جميلة توهة
عايزك تكتبى بالطريقة اللى تعجبك مش شرط الغموض وخبايا النفس كل فصة وبيكون لها وضع والكتابة لها اكثر من اسلوب اختارى السهل والمريح واللى انتى حاسة انك هتعرفى تعبرى بية كوبس
فى انتظار الجزىء التانى
على فكرة انا نشرت الجزىء التانى للقصة
تحياتى
بقينا اتنين على الهامش
النص جميل و أنا كالباقين مستنى الباقى و لو شكرا بتستفزك ف
شكرا
شكرا
شكرا
شكرا
إلخ
شكرا
نسيت أقول على تصحيح لغوى صغير
فاضطرت إلى و ليس من
يخرب عقلك يا بنت
النص مختلف تماما
أيوة كدة يا عم الحج مش قلتلك؟؟
انا مش فاكر بصراحة قلتلك ايه بالضبط بس انا قلتلك حاجة علي حكاية جو الكتابة وكدة
بوست قوي جدا..لكننى اعتقد -و هذا مجرد رأي- انك لو قللت من الغموض قليلا و تركت لنا شعاعا من الوضوح لصارت الامور اروع..اسلوبك ملفت جدا للنظر
توهة
بين لعبة اختراق النفس وقفت كلماتك
تشير بهدوء الى الحيرة
فى مخاولة للخروج من قالب تقليدى الى قالب اكثر تعقيدا يتعقد لانه يقارب النفس وكلما اقتربنا منها ازددنا حيرة وعرفنا كم هى شديدة التعقيد لا نستطيع ان نسلك فى ضروبها فنهرب مرة وهكذا تأتينا الحيرة
تحياتى
المقدمه حلوه وكويس الغموض اللى فيها بس مش لازم يكون الغموض عامل من عوامل نجاح الكتابه مش أساس يعنى .انا قريت كل قصصك وكنت اتمنى تنشريها ومكنش فيها غموض بس كانت مواضيعها وفكرتها فمنتهى الجمال والنجاح كمان
وبدام اخترتى تمشى فى اسلوب جديد يبقى ربنا يوفقك
وعلى فكره محدش بيختار مسكن لحمقاته غير نفسه ومحدش بيحب حد ويقرب منه اوى ويسيبه الا اذا كان خايف عليه يخسر حاجه هو حبها فيه
وكل انسان بيتعاقب على أفعاله وبس ياست فينو
واكيد انا اكتر واحده مستنيه باقى الحدوته
ااااااااادم
وصل اخيرا فينك يا راجل
سلامة نافوخك هو انا اقدر
ممممم مش عارفه بس حسيت ان البطله يغلب عليها الضعف فتصورتها انثى
وربنا يستر ميكونش ليها اثر نفسصى عندى
وخليك منورنا كده ديما
تامر
مانا قلت بقى العب على الحبلين
وانشاء الله ادخل اشوف الجزء التانى
كائن العزله
بصره يا سيدى بس واضح ان هامشيتك اختياريه
الله الله بتستفزنى فى بلوجى
طيب ... عفوا
عفوا عفوا
عفوا
عفوا
الخ
غفوا
ومنكم نستفيد
شبابيك
سيب عقلى فى حاله مش ناقص خراب
انت قولتلى انا بتكتبى نوع مختلف من القصص ... افتكرت
فولكانو
منور طبعا فى اول زياره
واحيلك على الرد لسمباتيك
وانا عموما بلعب على الحبلين
توتا
ايه الكلام الكبير ده كله
لالا انا مش قده خالص وعلى العموم نورتينا وانشاء الله تكون زياره متكرره
بياتريتس
يمكن كل واحد ووجهة نظره بس انا مكنتش اقصد الصحاب خالص بكلامى
وعموما نووووو بروبلم
ونورتونىىىى جميعااااااا
واضح انه جواكى بركان صارخ و انك بتتلافى ثورانه و انقلابه من وقت لاخر
مش هقدر اقولك غير انى بجد مستنى الباقى تحياتى
Post a Comment