انا النهارده خدت حتيت دين قلم طلع من نفوخى ..... الحكومه بتشتغلنا .... يا قهرتى يانا
انا ححكى على اللى حصل ... صحيت من النوم بدرى وياريتنى ماصحيت ولبست اليونىفورم ونزلت على الكليه عشان طابور العرض بتاع الأسر لكل الكليات بالجامعه عندنا وانا كنت تبع اسرة رسالة الصيادلة وماشين بقى لابينا ولا علينا ومزيكة حسب الله شغاله وميت فل وعشره والناس تصور لما فضيحتنا بقت بجلاجل وعدينا من قدام سيادة رئيس الجامعه على الله نكون بسطنا سيادته كده ان شاء الله وبعدين واخدين فى وشنا وماشين ..... وواجهنا الصدمه المفزعه
قال ايه ماسكينا وخارجين من باب الكليه ورايحين نستفتى لأ وبإيه... بنعم ...... يااااااالهوىىىى
ياولاد إل...... أتاريهم عاملين الطابور اليوم ده عشان يستغفلونا اكتر من احنا مستغفلين ويجرجرونا للإستفتاء
احنا لما لاقينا الوضع كده عند اول منحنى لفينا وطلعنا من الطابور نفدنا بجلدنا على اخر لحظه
لأ وشويه نلاقى بتوع تربية رياضيه هاجمين زى ...... سيقينهم بيفط نعم للدستور الجديد وهيلا بيلا للإستفتاء
لا وهم ماشين ولا فى دماغهم الهوا
وحاطين حرص على اللجان وشعارهم ياتكتب نعم يا نكسر رجلك ... شعار مميز فعلا
لااا وشفت حاجه كوميديه جدااا واحد كده مش عارفه جاي منين وشايل يافطة نعم للتعدلات للدستور بالشقلوب صورناه بس الصور ما وصليتليش لسه حنشرها اول ما توصل ... يعنى الرجال اكيد كده متأجر حتى لو مش متأجر هو مش فارق معاه الهوا نعم بالشقلوب بالمعدول اهو ماشى يرضى الحكومه وخلاص
بجد بجد كان يوم حزين بالنسبالى قوى ........ وقعدت اسأل نفسى هل فى اسوأ من كده ممكن نوصله ؟؟؟؟؟
ويؤسفنى انى اقول إن الكلام ده كان فى جامعة الزقازيق
ياااااااااه بجد حلم اننا ممكن نتحسن بقى بعييييييييد قوى قوى قوى انا ما بقتش شيفاه اصلا
حقول ايه فى الأخر غير
ياااااااااا سعاااااااااااااااااااد غطينى وصوتىىىىىىىىىىىىىىى
13 comments:
توووووووووووووهه
خلاص يابنتي خلاص مافيش فايده
اه لا ماخذة
سعد دي مراتي انا
وممكن اردها في وقت
بلاش تبقي علي الملاء كدا .. انا باغير برده
يخرب عقلك يا سعاد
انا اللي بصوت من كتر الضحك والله
ههههههههههههه
هموت من الضحك دلوقتى
ولو انى ماليش نفس
بتشتغلنا ؟؟؟
يا بنتي احنا اتعملنا مفارش من زمااااان
مش لسه ها )تشتغلنا يعني
و الكابتن اللي شايل اليافطة بالمقلوب ده مش تظلميه يا شيخة حرام عليكي
ده بيقول (لأ) بس بطريقته
عشان عارف قد ايه سيادة المناخ الديموقراطي اللي بالقشطة بالهبل
مع انى متنكد اخر نكد
بس والله ضحكت من قلبى
وفعلان شر البلية ما يضحك
انا كنت عارف ان الجماعة بتوع الحزب الوطني دول اغبياء وماعندمش دم
بس ماكنت اعرف انهم اغبيا للدرجة دي
عموما كل ظالم وله اخر
و غطيني وصوتي يا سعاد
ادم المصرى
اه مانا عارفه انه مافيش فايده
وانا اعملك ايه مراتك هى اللى قارفه الكل لمها طيب
اريسطو
طيب حاسب لتفطس
عين ضيقه
كلنا والله مالناش نفس بس شر البالية ما يضحك
شغف
اه والله عندك حق
اظهار ان الديموقراطيه ليها معنى هنا والعالم بره ليها معنى مختلف خالص
طارق مكى
صح
yamen
ومين سمعك
فعلا كان نفس النظام عندنا في الجامعه
بس انا اختصار للي هايحصل
كنسلت محاضراتي ومشيت
مفيش لازمه لاي حاجه هانعملها
ولاهانقولها
ماهي دي الديمقراطيه:d
هههههههههههههه
شربتها معاكى فى نفس اليوم
س الفرق اننا كنا فى مسيره الجواله على مستوى اسكندريه و قينا الاوتوبيسات بتاخدنا على المقر علشان كده برده
معلش نعيش وناخد غيرها و عدين انتى زعلانه ليه ما هو ده حال البلد من زمان قوى ايه الجديد يعنى
ربنا يستر على اللى جاى
تحياتى
ياسعاد
انا شربت حشيش
تقول يا عم عبده
حسبى الله
ونعم الوكيل
معلش شدة و تزول
طيب ماكنتوا كتبتوا لأ في الاستفتاء هوة حد حايراجع وراكم الورق ولا اية
و متهيالي اللي شايل اليافطة بالمقلوب قاصدها وبيعبر عن رأية بطريقتة برغم إرغامهم لة على حمل لافتة لا تعبر عن رأية
تحياتي
Post a Comment