بعفوية غير مقبولة .... إنسابت منى خصلات الرؤى تتلو شعائر الرباط الذهبى لأمد غير محدودشددنا طرفى الرباط بقوة لنحكم عقدته حتى لا تنفرط لآلئه وتعددت الملامح على وجه الطرف الاخر
وظل الامل واحد
وشعرت مع كل ملمح بإكتمال غير بشرى لأطراف رقعتى من الحياة فصليت مع كل إسم فى المعبد تقديسا لرباطنا
وتغرب الشمس ويطل القمر أحدب سواده ينظر إلى وانا لا أرى نوره
تحسست الأركان وانرت الشموع وعصرت حاجبى حتى كادا يندمجان مع مقلتى بحثا عنهم
فلم اجدهم
وشددت طرفي من الرباط ليسقط بين يدى مقتولا
ولا أدرى إن كان رغما عنى أو إنتقاما لدمعى المتفجر ..... أملت كل شمعة فإلتفت حوله النار تشدو رمادا مع أوركسترا همسات الريح
فضاعت منى الرؤى وضعت منها ... وصرت غريبة أحلم بحلم ليس لى
والآن ......أكتب برسائلى هذه أعلقها على جدران المعبد كإعلان بالي يرفض أن يتمزق وتتراكم
عليه أوراق أخرى ولكنه سيظل هناك خلفهم يرسل نبض حروفه من آن لأخر
فتواروا عنى
ولينحصر كيانى داخل إطلالة ظل قاتل
وليموت خفقان الصبر فى قلبى بصدر الامل
ودعونى أقدس الآلئ فى المعبد
معبد ..... يخلو من البشر
13 comments:
لماذا كل هذا التشاؤم
واين هذا المكان
الحياة نصفين
جميل والعكس
وعلينا التغلب على النص اللى اللى بتعبنا مع محاولة للتاقلم معة
بوست رغم ما فية من حزن وتوهة لكن رائع
تحياتى
أتكلمتى كتير فى الأول لكن فى النهاية مقطع واحد جميل أوجز كل شئ كأنك كنت بتتحضرى لكتابة بالكتابة كتير بعمل كده لازم تفرقى بين النص و ارهاصات ظهوره
أقول شكرا و لا بلاش ؟
دعوة عامه لكل المدونين المصريين لحضور اللقاء الثالث الذى تحدد موعده من قبل المشرفين عليه والمؤسيسن له
وذلك يوم
الجمعه الموافق 9/3/2007
بدار الاوبرا المصريه
كوفى شوب الابداع
بجوار دار الابداع بداخل الاوبرا
والدخول للمكان من البوابه الخلفيه للاوبرا امام النادى الاهلى
والحضور بالملابس الشتوية
واوجه الدعوة خاصة الى الاخوات المدونات
لحضور اللقاء لان لحضورهم دور فعال فى نجاح تلك اللقاءات
وشكرا
طبعا كلامى ده مش محتاج ترجمه
انا واحد من ضمن ناس بتنظم للقاء الشهرى ده
ياريت تشاركينا اللقاء لانكم ليكم دور مهم اوى
انا مش عارفة امتى هتصروا على البقاء
كعمل : فالنهاية جميلة
سلام
افعلى ماشئت
واذهبى حيث تريدين
ولكن احذرى الهروب
اممممم انا فعلا قدام عمل ادبي
لكنه تحمل كتير اوي منك
انا شايف ان الكاتب الجيد هو من يمتلك جرأة الحذف
راجعي تعليق كائن العزلة
تحياتي
شارم
منور لأول مره وأعتقد انا رديت عندك
تامر
هو البلوج كله توهه
ما تطلبش منه السكينه وهى مش فيه
ومين فينا مش تايه
كائن العزله
اعرف بس يعنى ايه ارهاصات وانا ارتاح ان شاء اله يعنى
وبصراحه هى احداث متربته فوق بعضها لو حذفت حاجه حتبقى النهايه ملهاش لازمه
وادينا بنتعلم
ودنا اللى اقولك شكراااا يا باشا
raspoutine
كان على عينى
عين ضيقه
حنصر على اليقاء ؟؟؟
البطله باقيه
بين الناس
ولكن هم لا يروها كما يجب
وهى مش قادره تتأقلم معاهم
فليتواروا عنها اجحسن
الورده السوده
هى لا تهرب
ولكن تمحور مما كانت تعتقده هو الصح
لكى تستطيع العيش
اريسطو
طيب طمنتنى انه عمل ادبى الحمد الله
وتحمل دى يعنى فى منى ولا شال كتير زياده عنه ؟؟؟
على العموم راجع انت بقى ردى على كائن العزله
وتحيااااااااااتى
فينو
انا مش قصدى انك تسكتى خالص بس الموضوع ده مش محتمل .حاولى تجربى احساس الغريق اكيد بيتعلق فى قشايه.انا كل اللى يعرفنى عن قرب بيقول انى خياليه .صدقينى انا بحاول اعيش الخيال فى الواقع واموت كل شئ ممكن يدمر الخيال اللى ممكن اعيشه ومش هقدر أعيش فى الواقع مختش عالتعب يافينو
وبعدين قلتلك تجربه وان شاء الله أنجح فيها .ممكن تدعيلى ياأغلى صديقه انا حبتها وأتمنيت أحلم معاها.بلاش تخلينى أخاف منك
توووهه
ــــــــــ
انا عمري ما دخلت هنا عشان اقرا موضوع ادبي بحت من مواضيعك
وبعدين اجاملك
اولا : انا فوجئت بان ايمن وبعض الناس اشاروا انهم امام عمل ادبي علي اساس ان اللي فات كان ايه ياعني ؟
بس مش دا المهم
ــــــــــــ
انا فعلا عمري ما دخلت عندك بالذات وقلت رايي كمجاملة ليكي
لكن البوست دا بالذات حاسس فيه محاولة للابهام بطريقة غريبة
وكانك بتحاولي تقفلي كل الفتحات ادام القاري وبتقولي له
مش هتفهم ياعني مش هتفهم ؟
الصور معقدة جدا ومتركبة بطريقة صعبة
احيانا بتخلي الواحد يفقد التركيز وهو بيكمل
مثلا
ـــ
إنسابت منى خصلات الرؤى تتلو شعائر الرباط الذهبى لأمد غير محدود
انا بصراحه شديدة جدا وبدون مجاملات .. مش فاهم ومش هدعي اني علامة انا حد اغبي مما يكون
والله ... دا حقيقي .. واسالي ايمن ههههههه
طبعا دي اول صورة في البوست
مش عارف ليه انتي بتحاولي تخرجي من ذاتك وتجربي طريقة كتابة مختلفة
او يمكن دا التطور الطبيعي ( طبعا مش للحاجة الساقعة ) لكتاباتك انا ملاحظ فعلا انها كل مدي بتتجة الي الغموض والابهام
وكانك في مسابقة مع القارئ .. هتفهم ولا لأه ؟
ولو فهم يبقي نكتب حاجة تانية ما تتفهمشي .. لا المنطق دا غلط جدا
البساطة
البساطة
واه ياعيني ع البساطة
هقولك كلمة بسيطة جدا
اللي بيخرج من القلب بيخش للقلب علي طول
مافيش مانع اني ادخله علي العقل سعات او اني ادخلة علي العقل علي طول حتي بدون قلب
لكن انه مايخشش الاتنين يبقي فيه حاجة غلط
ويبقي لازم وقفة
انا اسف طبعا
لكن انا قولت قبل كدا انت بالذات مش باحب اجاملك
تحياتي
بياتريتس
ربنا معاكى وخلاص
ادم المصرى
يا سيدى اتكلم براحتك ده لو معاك فودافون
واتكلم من الفلب لو معاك موبينيل
هههههههه
المهم
ببساطه شديده برده زي ما بتقول
انا بعرفش اكتب حاجه مصطنعه
تأكد إن النص ده انا حاسه بيه جدااا
اما موضوع الغموض .... عادى بتحصل
بالنسبالك غامض بالنسبه لحد تانى مفهوم
الدنيا لا تقف
وتأكد أنا لا اتعمده
ويا سيدى مش عايزه كل الكومنتات اللى عندى تبفى مدح ده حتى حاجه تزهق
انا بحب التغير جدااا
ومتجاملش عشان المجامله بتخنقنى
وسلاااااااااااااام
توهة
قرأت النص مرتين فى محاولة لابعاد شبح الكلمات والوصول الى عمق الفكرة الموجودة فى النص يبدو ان الصراع ما زال مستمر مع نفسك فى محاولة لتحييد نفسك عن الواقع والعيش فى اطار محدود فقط انتى تملكين اطرافه وبامكانك حتى التخلص منه
وكل محاولات التواصل مع الواقع تصل الى لا شىء مجرد لا شىء وتبقى الوحدة هى الملاذ الوحيد
تحياتى
تووووتا
حقولك ايه بس
تعليقاتك فعلا بتذهلنى
دائما ما تلمسى هذا الوتر عن الحقيقه
فعلا محدش بيفهم بوستاتى زيك
تحيااااتى
Post a Comment