جلست فى شرفتى استذكر دروسى كالعاده ... ولكن هناك ما شتت انتباهى وأخرجنى من أعماق المركبات المعقده وألقيت بقرنيتى فى السماء لأجد الطيور المذعوره تخبط بأجنحتها الطائشه فى الهواء تطير فاقدة الهدف
فهى فى العادة تطير فى اسراب ترسم بها اشكالا تنافس بها السحاب وتتمايل مع الهواء وترسو على مكان
وتطير للأخر ... ولكنها اليوم كانت متفرقه كل نفر لملم ريشه وطار به بعيدا عن الأخر
وتحول تغريد العصافير الدائم لمناقشات حاده مختلطه بنبرة اضطراب
فأضحت السماء قاعة اجتماعات كبيره فيها من يجرى هنا وهناك وتندمج أصوات الحناجر العاليه مع وقع الأقدام
فيا ترى ماذا حدث ؟؟
أكون الميعاد المرتقب قد حان ؟؟
أم أن غضب الله قد أنزله علينا وباءت بحمله الطيور فهربت مبتعده ليحل فوق رؤسنا ؟؟
ونقلت بصرى للأرض لأجدها تعج بالعقول المتناسيه .. فمازالت أصوات ابواق العربات يعوى
وصفارة القطار تخور إستعدادا ليأكل من أمامه كالعاده
وفجأه غابت الشمس عنا وأعطانا السحاب وجهه الحزين وابتسم فى وجه ربه
فتداعى قلبى خوفا .. وإرتجفت يداى وأنا أرفعها للسماء
وصرخت روحى بالدعاء
ياأرحم الراحمين إلطف بعبادك المتناسين
وأفق ضمائرنا بماء اليقظه
لنعود لأعشاش عفوك عنا
ياذا الجلال والإكرام
11 comments:
معلشي مش عارف اقراها كويس
لكن انا بانتهز فرصه اني اول تعليق
اوعدك .. اني هقراها تاني وهبقي اعلق تاني
أدم
على أقل أقل أقل من مهلك
انا علا
ماشى حصلنا الشرف يا أخت علا منوره البلوج وإن شاء الله ماتكنش أخر زياره
مش عارفة ليه حسيت بهدوء وحالة صفا
مراقبة خلق الله فى الكون من أجمل ما يمكن
تحياتى للبوست اللى فكرنا اننا ساعات كتير بنتوه عن الخالق
الوحيد اللى ارحم الراحمين علينا
حاسس لما قريت البوست يا فانتا
معلشي بقي اذا كان الاسم معلق
المهم
الحالة اللي كنت بتعبري عنها موصلتشي
شايف انك كنت عايزة تكتبي بالعافية وخلاص
لا خدي بالك
القلم ما يجيش بالعافية
حاولي تخلصي من حالة الحزن اللي مسيطر عليك بقاله اكتر من شهر دا وباين علي كذا بوست
اهدي شوية
عيدي ترتيب افكارك
وارجعي تاني
ادم المصري
اول دكتور احه
اول عاشق لها
شعرية عالية خذها مني نصيحة حتشقى أكثر
شيماء
الله يخليك ياسيتى وده الهدف اللى كنت عايزه اوصله من خلال البوست
ادم ادم ادم
وجهة نظر برده بس المشهد اللى انا كاتباه حصل فعلا والاحاسيس فعليه يمكن الكلمات مكنتش منسابه معايا
بس أأكد لك إنى مش حالة حزن أكتر منها رهبه من غضب ربنا علينا
tazart
يا هلا بيك فى اول زياره
هو ممكن يكون البوست فى شاعريه
بس انا حقيقة واقعيه اكثر مما اى احد يتصور .... والشقا علينا حق
ييييييييه اتعود والله انى أكتب فانتازيااااااااااااااا
ايه يابنتى النيولوك الروعه ده
تصدقى معرفتكيش
على العموم فيه حاجات مينفعش نمثل فيها اننا ضحايا او تيهين
ممكن يكون الجرح جوانا كبير اوى لدرجة اننا مش قادرين نتحمل اى خدش
وفيه حاجات كتير بيكون الانعزال فيها افضل والبعد فيها أريح
بس الاهم اننا منعذبش أى طرف
وبلاش كل شويه نحسسه انه عايز يكون ضحيه لأن محدش بيحب يعيش مظلوم مهما حصل
أهم حاجه فى الدنيا الصبر يافينو
رغم ان اوقات الجرح بينسينا الصبر
فنفتكر اننا تايهيين
ربنا يصبر كل مجروح وكل تايه
وبلاش كلمة ضحيه دى
تورنادو وروح
ههههههههههههههههه
والله ضحكتونى
اضطراب ايه وضحية ايه انا الحمد الله لا اعانى من اى اضطراب انا عارفه انا ماشيه ازاى وعايزه ايه ومحدده هدفى كويس وواقع ايه اللى اتحداه ده هو لازم اعمل شو من غير لازمه اتحدى الواقع لما يستحق انى اتحداه
وع مرى ماقلت انى ضحيه يبقى ماشفتيش شعار البلوج بتاعى كويس مافيش حد ضحيه خالص واللى بيعمل او بيدعى انه ضحيه يبقى غلطان زى ماهو اتأذى يبقى اكيد أذى ناس تانيه
ومش عشان سميت نفسى تائهة يبقى انا متلخبطه لأ
انا سميت نفسى تائهة لأننا كلنا كده عباد الله تائهين فى ملكوته ومحدش عارف مصيره ايه
فياريت قبل ما تتكلموا تحكموا صح
وصدقونى اخطر حاجه ان المرئ يظن نفسه على حق وهو مخطئ
وسلاااااااااااااام
على العموم بصره
انتى مقرتيش تعليقى كويس وانا قرتش عنوانك كويس
وسلااااااااام
Post a Comment