مش عارفه ايه الصوره اللى انا منزلها دى بس ماعلينا .. هى عن عبدة الشيطان ... نخش فى الموضوع
ذهبت لموظف السجل لأقوم بعمل بطاقة هاويه
الإسم:- فانتازيا الخياليه
السن :- عشرون عام
الديانه:- شعوذيه لوذعيه
فنظر ألى الموظف وعلامات الإستفهام تقفز من عينيه و
قال:- بتتريأى على ولا ايه؟؟؟؟
فقلت :-لأ طبعا أنا حعبد واحد إسمه شعوذ لوذع عندك مانع
فبهت الموظف وإصفر وجهه فقد وقفت أردح له
وأخذت عصابتى وخرجت لأحدث شغبا فى المجتمع
هذا أقل مايقال ما يقال عن هذه الفئه الجديده التى تحاول ثقب العباءه التى تضمنا _بإبره مسمومه_وإن كان العث قد نال من هذه العباءه -صحيح- ولكن كانت ماتزال تغطينا .........
ماذا عساى أن أقول عمن ليس لهم أصل ولا فصل ؟؟؟؟؟؟ عن هؤلاء البهائيون الذين يحاولون إثبات وجدوهم فى المجتمع وإحداث الفوضى والبلبه وتشتيت الأفكار؟؟؟؟؟؟؟؟
حزب الله هاجم وحاول إسترداد الشرف المنتهك ونحن هنا فى المحروسه نخترع الديانات .. نتفنن ونبدع فى خلق التزعزع الدينى
وما يدهش العقل أن هذه القضيه فى المحاكم من سنين -لإثبات وجودهم وديانتهم وممارستها علنا -ولم تظهر وتطفو على سطح المشكلات الأخرى غير الآن لماذااااااااااااا؟؟؟؟؟؟ "العجل فى بطن أمه" و
فكرت الحكومه حماه الله وجعل مثواها........ أن تلهينا قليلا عن غضبنا المتفجر فى وجه السياسات العاطله التى يمارسها السيد الحاج حماه الله وجعل مثواه............... مخصوصه وعلى الفرازه
يرمون لنا عظمه -من غير لحمه حتى-لنجرى وراءهاااااااا
نهايته نأتى الآن لنمحص قليلا فى البهائيين
ظهروا فى القرن الثامن عشر على يد الإنجليز وينص دينهم على :- رفض خاتمية الرسول صلى الله وعليه وسلم للأنبياء ويعتقدون فى نبوة بل وألوهية محمد الشيرازى رأس البابيه وبهاء الدين وعباس إبنه وكعبتهم فى حيفا -أو حيث يكون قبر الباب أو البهاء
على مايبدو أنهم أداه أو سلاح نووى آخر فى يد إخوانا البعده ..... وهناك مجموعه من الأقوال التى تثبت هذا:-
1--العالم الأزهرى المتخصص فى الفرق والمذاهب د \ محمد أبو ليله يقول
أن البهائيين فرقه خارجه عن الإسلام ومعاديه له وأنها نشأت فى حجر الإستعمار والصهيونيه ولا تزال تلقى عنايه والرعايه من أعداء الإسلام ولديهم ما يسمى بالمشروع السياسى العدائى للأمه الإسلاميه ويستعينون بوسيله غير نزيهه لنشر البهائيه
..............................................
حرف الداعى البهائي رشاد خليفه-القرآن عندما ترجمه فى الولايات المتحده الامريكيه ودعى هذا الأفاق لهدم الكعبه وتوزيع حطامها على البلاد وإبطال الحج وكل شعائر الإسلام
التاريخ يعيد نفسه ..... المفروض يغير شويه عشان الملل
.........................................
مع أن مقر البهائيين فى مصر قد أغلق عام1964 فى منطقه العباسيه تسللوا للعمل فى الحضانات وتريبية الأطفال على اللا دينيه
وكانوا يسمون أنفسهم القرآنيون
.............................................
يشارك السفير الإسرائيلى فى مصر فى إحتفالاتهم
وقد قام السفير الإسرائيلى "كوهين" بزيارة " نصيف بباوى " الملقب بزعيم البهائيين وطالبه بضورة المشاركه فى النشاط السياسى للبلاد عن طريق إنشاء حزب أو الترسيح فى البرطمان للتأثير بقوه لصالح إسرائيل يعنى نيتهم مش خالصه
............................................
والأدهى أنه تم الإعلان عن تأسيس عدة حدائق فى مدينه حيفا بتكلفة تصل الى 250 مليون دولار
غطونى وصوتوا _بس براحه عشان الساسه النائمين على أنفسهم ميصحوش
::::::::::::::::::::::::::::::::::::::::::::::::::::
والآآآآآآآآآآآآآآن يرودون إثبات وجودهم فى المجتمع وقد رفعوا قضيه فى المحكمه وللأسف الشديد تم الحكم لهم لهم الحق بمزاولة طقوسهم علنا والعمل داخل المجتمع مثل اى شخص
والله هذه مزحة العصر .... فلماذا لا نعترف أيضا بالمجوس والهندوس والوجوديين والبوذيين ونحى عبدة الشيطان زى الحلوين اللى فى الصوره دول -ونأتى بالديانات الغير معترف بها فى الإسلام هنا فى المحروسه ونرقص حول نار الفساد ونؤدى الطقوس ونرسم على وجهنا حماااااااااار ومعزه
حمار:- تعبيرا عن أنفسنا ......ومعزه :-إللى حنضحى بها لشعوذ لوذع
واللى زاد وغطى- يرودون كتابة ديانتهم فى البطاقه " على عينك يا تاجرواللى مايشترى يتفرج أصلها ناقصه فرجه"و
رفض السجل المدنى ذلك وأرغمهم على كتابة ديانه أخرى -أول مره يعملوا حاجه عدله- ذهبوا يبكون ويقطعون فى ملابسهم لحقوق الإنسان
"مممممم...بيفكرنى الكلام ده بمين؟؟؟؟؟؟؟؟؟
وفكرت جماعة حقوق الإنسان بإلغاء خانة الديانه من البطاقه فكره عظيمه ربنا يخلى العباقره هكذا فمن أجلهم نلغى الخانه وليذهب بقية الشعب لأقرب مقلب قمامه ولتنتشر الفوضى من أجل عيون بهاء الدين فهذا حل سيؤدى لمشاكل جمه من تزوير فى زواج وتدليس
فيتعللوا جماعه حقوق الإنسان أن المأذون عليه أن يرجع للسجلات للتأكد .....يااااااااعينى
لما يكون عند المأذون مائة زيجه فى اليوم سيذهب الغلبان للسجلات ليرى ويتأكد وما أدراك وما الروتين وممكن المأذون بزهق ويقول دى مسؤلية المتزوجين ويتزوج مسيحى من مسلمه أو مسلم من مسيحيه ...... وغيرها من المشاكل
وعندما ننظر للأمر من زاويه أخرى .... المسلم من حقه أن يكتب فى بطاقته أنه مسلم ويصرخ بها بأعلى صوته
والمسيحى من خقه أيضا التعبير عن نفسه
واليهودى الصهيونى الصهيونى المفروض إنه يقول إنه صهيونى لنذبحه فى ميدان عام" ولا بلاش لحسن يشيلونى من الكرسى اللى قاعده عليه دلوقتى لونه إسود وجلد زى ما شالوا صفوت حجازى من منصبه لما قال كده
آآآآآآآآآآآآآآآآآآآآآآآه .......جف الكلام من لسانى .. وأرهق القلم فى يدى .. وملأت الدموع عينى ... فدعونى أبكى أو تبكون معى
وااااااااااااااااء
فانتازياااااااااااااااااااااااااااا
فانتازياااااااااااااااااااا
34 comments:
هىىىىىىىىىىى
فانتازياااااااااااااااااااا
من عبدة الشيطان للبهائين يا قلبى لاتحزن
وللبلد اللى ليكى حق الحريه فيها
:)
(الدين لله والوطن للجميع)
ياستى فى الحاجات دى محدش بيدق و بيجبر حد مادام هايعيش فى كوكب تانى ومش هايعمل انقلاب ولا هايعمل احزاب يبقى يقفوا فى الطريق ليه
اللهم يا مقلب القلوب ثبت قلوبنا على دينك
معقول يافينو ياحياتى تبكى وانا موجوده ده واجب علىّ . على العموم انا حطتلك موسيقى تساعدك على البكى .بس بجد لو اتشلتى من على الكرسى هجبلك واحد خشب اربيسك ميه ميه ,اقعد انا عليه وانتى تقفى جنبى تنورى
موضوعك كويس اوى واعتقد ان البهائيين احسن حالا من الملحدين على الاقل ليهم حاجه يؤمنوا بيها
بس من الاخر الناس اللى بتعمل كده ويتخترع ديانات من الاخر لها اطماع ماليه مش اكتر أنا نفسى أفهم لحد امتى هيضيع الانسان نفسه ودينه وحياته من أجل المال .المشكله انه عارف انه فى النهايه هيمشى ويسيبه .بس نعمل ايه أطماع بتولد أطماع
على العموم ربنا يهدى
كروان بيحب فانتازيا
ان الدين عند الله الاسلام
انا بصراحه قبل اى تعليق بجد عجبتنى الموسيقى اللى موجوده خلتنى احس انى داخل احارب وعروق الوطنيه نفضت فيه بجد والله تتر جميل جدا
يا اللى بتقولوا انكم بهائيه
انتوا كفره وشوية حراميه
وعقابكم عند ربنا
ونهايتكم فى جهنم حتميه
هو احنا ناقصينكم يعنى
مش كفايه طلقت سعديه
علشان نسيت تشهق
وهى بتعمل الملوخيه
على العموم انا عندى فكره
نعمل مع بعض جمعيه
وانا اقبضها الاول
وانتوا اقبضوا بعديه
واهو نبقى لمينا حق
الحله والمطبقيه
ونعمل فرحنه قريب
انا وفانتازييييييييا
مرور خفيف
اه ياني يا فانتازيا
احنا لازم نعمل استقدام علي المريخ بقي
ونعتنق المريخية
:))))
ما هو اقول لك ايه بعد حرقة الدم اللي الواحد فيها دي
ربنا معانا يتولانا برحمته
انا عندي انفلوانزا نفسية
مش حكتب كومنت
هو كل واحد حيدور له علي رجل كنبة يعبدها ولا اية؟
لا اله الا الله
محمد رسول الله
عندك حق يا بنتي المشرحة مش ناقصة قتلا أساسا كفاية اللي فيهااا
قتلة ايه ومشرحه وكنبه ايه ؟
كل واحد حر ..
***الدين عند الله الاسلام ***
هل تعتقد ان الاسلام المذكور في الايه هو الاسلام الذي جاء به محمد ؟
اذا كان جوابك نعم فاحب ان اقول ان هذا الاعتقاد خاطيء فابراهيم نبي الله مسلم .. وعيسي وموسي كذلك وجميع الانبياء ايضا
اذن كيف لهم ان يكونوا مسلمين علي دياناتهم ؟
اقول لك .. هناك دين واحد يسمي الاسلام ولكن لكل فرقة ديانه
فهناك من اختار ان يكون مسلما له الديانه اليهودية
وهناك من اختار ان يكون مسلما له الديانه المسيحية
وطبعا اخرهم من اختار الاسلام دينا وديانه
هذا لا يعيب اي احد منهم .. فكلها ديانات سماوية
ثم يقول القران
*** لكم دينكم ولي دين ***
هل تعتقد ان القارن هنا غير قادر علي حمايو الاسلام من اعدائة عندما سمح لهم بممارسة العقيده ؟
ثم انظر الي ابعد من ذلك اذا كنت انت نفسك في دولة لا تحترم الاسلام .. كدين اصلا فهل ترضي ان تدين بدين هؤلاء الناس لمجرد انهم اغلبية ؟
قل لي لو ان احدا من هؤلاء البهائيين او غير الملل قد تقدم لخطبة اختك وقد اجبرته الدولة علي كتابة مسلم في البطاقة
ما الموقف اذن ؟
ما هو الافضل .. ان تعرف من هو مسلم معرفة العين .. ام ان تبقي فرقا غير مسلمة امام الدولة وفي اوراقها متدينه بالاسلام ؟
الدين لله والوطن للجميع .. هذه الجملة نرددها ولا نعرف معناها
ما يضر الاسلام عندما يرفضة شخص ما .. من خسر هنا ؟
كيف تتصور حجم خسارة امه الاسلام اذا كان بها اناس لا يتدينون بالاسلام ولكنهم اجبروا علي ذلك ؟
اقول لك ... دع كل فرد وشانه اذا كنت تريد ان يدعك الناس تمارس عقيدتك بالشكل الذي ترتضيه لنفسك
صباح بالألمانى
أيوه إنت متخافيش
ماهو لو هم كفيين خرهم شرهم نقول ماشى مش مشكله على هامش المجتمع لأ دول عاملين لينا قاق وألابندا وقرأتيش لما قولت إن السفير الإسرائيلى قال للباب يتاعهم إعمل حزب عشان تأثر به على الحكومه لصالح إسرائيل .. ياخوفى طول ماحنا بنقول اللى انت بتقوليه ده .. نصبح فى يوم نلاقيهم واكلنا فى بطنهم ... وبعدين كويس لما يتلصصوا على أولادنا فى الحضاننات ويربوهم على لا دينيه وكويس لما رشاد خايفه يحرف ترجمة القرآن لالالالا الموضوع خطير
كروان
والله كتر خيرك حتوقفينى جنبك كتر الله من أمثالك
مفلس أفندى الرايق قوى
أى خدمه أنا حاطه الموسيقى دى عشان نحارب
وبعدين حلة ايه ومطبقية ايه
أنا عايزه فيلا فى مارينا وعربيه آخر موديل وأصيف فى فرنسا
أومال المرور التقيل إمتى
إيبى
مانا قولتك كده قولتبيلى فى أمل
يالله روحى للموظف وشوفى حكاية الدرج دى
كلبوزه هانم سمباتيك
ألف سلامه أنا زورتك أخدت معايا برتقال عشان فيتامين سى وصل ولا لأ
شباك أفندى
منور والله لسه فاكر بس عندك حق
فانتازيااااااااااااااااااااا
فانتازياااااااااااااا
أدم باشا المصرى
جرى ايه إحنا متفقناش على ضرب أنا حاسه إنك حتطلع من النت وتخدنى قلمين
أنا عملاك رد مخصوص أهو إفتكر ديما إنى غلبانه ومرهفة القلب
بص يا زمل عشان انت طلع عندك 20 سنه أولا :- إنت عارف درجات السلم لنا تطلع الأول على الألى ثم الثانيه وهكذااا ... حتى تصل إلى مرادك الحقيقى الشئ المفروض إنك حتستقر فيه
ربنا عمل معانا كده نزل على البشر الأول اليهوديه ثم نزلت المسيحيه يعنى المفروض كل اليهود دخلوا فى المسيحيه
ثم ربنا أنزل رسل كتير حتى أرسل لنا سيدنا محمد الخاتم يعنى الإسلام هو الدين الخاتمى المفروض كل الناس تخش فيه يعنى اليهوديه والمسيحيه منازل صغيره مشتقه من الإسلام وعشان تصل للكمال لازم تدخل فى الأسلام الخاتمى
وفى الآيه إن الدين عند الله الإسلام إنت مفهومك خاطئ الإسلام هو أن تسلم أن لااله الا الله وأن محمد رسول الله وأن الدين الذى نزل به محمد هو الدين الخاتمى الذى يجب أن تهدى إليه البشر
وأنا مهك أن كل الانبياء مسلمون ولكن الهدف من الأسلام هو أن تعترف بكل الأنبياء اللذين نزلوا على البشريه وخااااتمهم محمد فلا يستثنى
بدليل أن الله كتب فى التوراه والإنجيل يبشرهم بمحمد ليخلصهم من ظلم الكفار اللذين يعبدون الأصنام
ماشى خلاص كده
وبعدين تعالى هنا إنت حتوقعنى فى الغلط ليه البوست بتاعى كان فيه أى تنويه إن بقول المسيحيين وحشين ولا اليهود وحشيين أنا ماجبتش سيرتهم بسوء دنا قولت المسيحى من حقه أن يقول له أنه مسيحى هو ده غلط فانت بتحاسبنى على ايه بقى إقرى بتركيز البوست
وبعدين أنا بكلم عن البهائيين إللى بيقولى إن بهاء الدين هذا هو إلاههم يعنى أقرب للإلحاد
مافيش حاجه اسمها هم أحرار الأحرار فى إختيار ديانتهم هم المسيحييين واليهود الديانات المعترف بها فى الإسلام وأنا لايمكن أعترض على ذلك وإنت شوفت عمرك إن فى دين فى القرآن إسمه البهائييه يعنى مثله مثل البوذيين وعبدة البقر والاصنام وعبدة الشبطان ولا عايز كمان نعترف بدول ونسيبهم فى حالهم
البهائيون يمثلون خطر على المجتمع وإقرى ردى على مورجين
وبعدين الدوله لم تجبره أن يكتب مسلم فى البطاقه هى أجبرته أن يكتب ديانه أخرى يعنى هى لا اسلام ولا مسيحيه ولا يهوديه فهذا ليس ظلم لهم لأننا لو كتبنا ديانتهم فى البطاقه حيبقى إعترفنا بيهم رسمى فى المجتمع فى دوله لا تعترف الا بثلاثة أديان
وأظن أنى أوضحت فى البوست انا ليه متضايقه منهم عشان هم بينشروا دينهم فى وسط ولادنا يعنى المسيحى من حقه أن يغضب أيضا ولما يبقوا مواليين لإسرائييل وبيحرفوا ترجمة القرآن عشان الناس تنفر منه يبقى أسيبنى منهم برده لأ معلش دى إسمها سلبيه
وبقول مره أخرى أنا لا اعترض على الديانا تالسماويه الأخرى أبدا أنا أعترض على ماهو غير موجود فى القرآن والسنه وركز وإنت وبتقرى البوست
وبعدين ايه لما يتقدم لأختك دى هو أنا ولد ولا ايه
الخلاف لا يفسد للود قضيه
فانتازيااااااااااااااااااااااا
فانتازبااااااااااااااا
اشهد الا إله إلا الله وأن محمداً رسول الله
هى ناقصة
حتتة الشعر دى مناسبة لمدونتكم
انا وانت اتنين شايلين احلام
وكلا م مرشوش بحلاوة بكرة الجاية قوام
انا وانت اتنين انغام مزازيك
...............
على مدونتى
بعنوان بورتريه
اطلعى عليها
تحياتى
المؤامرة هي هي ما بتختلفش
كل مرة و أحنا ليه ما بنعترفش
أننا في بحر الحياة مالناش نصيب
و بقينا بساريا بعد ،، ما كنّا قرش
و عجبي
KING TOOOT
هي بايظه بايظه يابنتى هو الريس بتاعنا اسمه ايه؟؟؟؟
لا إله إلا الله
محمد رسول الله
ازيك يافانتازيا انا بقالى كتير ما دخلتش على الموقع بتاعك انتى وكروان بس تعرفى لما دخل وقريت اخر حاجه انتى كتباها عن عبدة الشيطان والله فرحت بكلامك دا قوى انا مش عارف اتكلم او اقول كلام يعبر عن اللى جوايا من سعادتى بكلامك بس بجد ربنا يخليكى لنا وللناس اللى بحبوا يقروا كلامك
إســلام صفــوت
زورونا كل سنه مره
اصل انا ناوى اخترع الذره
تعالوا هاسهركم سهره
ولا تيجوا نطلع رحله
للقمر بس خوفى نلاقى
الحزب الوطنى ع القمر
بيعمل قسمه
وناوين يحكوموا القمر
وياخدوا كل واحد منهم
من السما نجمه
أبو أمل
منور المدونه وأكيد حشوفها
إبراهيم
ليه بس كده مانا قولت إنه يجبر على كتابة ديانه أخرى يعنى مافيش لخبطه
ونلغى الخانه ليه إحنا كده بنعترف بهم رسميا منعترف بالمره بعبدة الشيطان إيه رأيك
الملك تووووووووت
صحيح باقينا بسريا بعد ماكنا قرش
شرفتنا
غادة الكاميليا
تؤتؤتؤ .. بقى مش عارفه اسم الريس ايه لالالا مالكيش حق ده اسمه ثور الله فى برسيمه
اسلام أفندى الغلبان
منور يا باشا وأخبار الدنيا معاك ايه
مفلس أفندى الرايق
هى ناقصه بلهفوا النجوم كمان
لا اله الا الله
محمد رسول الله
الحمد الله ان ربنا خلقنا مسلمين
بصي بقي يافانتازيااااااا
مصر هي تقريبا الدوله الوحيده في الدول العربيه اللي بتعترف بس بالأديان الثلاثه وماعدا ذلك فهو مرفوض ، انا لما عشت بره مصر صدمت عندما عرفت مثلا أن في الأردن وسوريا ولبنان والعراق عندهم أديان تانيه ومعترف بيها ، فممكن أن تجدي واحد سوري مثلا يقولك أنا ديني درزي ومثله اللبناني اللي يقولك أنا درزي كده وبصريح العباره ، كمان في العراق ناس تقولك دا اصله أثوري ودي برضه ديانه، كمان هناك صابئه ودي ديانه بس أحنا عارفينها لأنها ذكرت في القرآن وهم موحدين بالله ولو شاهدت بعض الأفلام العربيه اللي بتتكلم عن الأسلام وسيدنا محمد حتلاقي الكفار بيقولوا عنه لقد صبأ محمد ، كمان ممكن تلاقي واحد أردني يقول لك كده بكل بساطه أنا ديني البهائيه ، وكل دول معترف بيهم في بلادهم ولهم أماكن خاصه بالعباده ، والله صدقوني رغم كل مايقال أحنا عندنا برضه دين ولسه ما بنسمحش للغزعبلات دي ، بس البعدا اللي يقودهم المعتوة بوش وولاد الكلب الصهاينه هما اللي بيضغطوا علينا في مصر
وعلي فكره في دبي معبد للهنود السيخ
تعرفوا أن فيه ديانه عند اليهود أسمها السيخيه
والعواف عليكم ويجعله عامر
إبن الشارع
صدقت والله
ترنادو
يا سيدى منور ...وشاكرين مهليلين
بس ايه الرسميات دى
مكسوفه
سلام كبير للست مكسوفه هنا ترتاته تيرا آآآآآآآآه ... لو الكلام اللى بتقوليه ده صح يبقى قولى على الدنيا السلامه
غطونى وصوتووووووووووووووووووووا
فانتازياااااااااااااااااااااا
بصي يا جميل
تقريبا انا من ساعة ما كتبت الرد وبقيت ناسي هو كان عند مين
واخيرا لقيتك
بصي
ياعني ايه دولة لا تعترف الا بالديانات السماوية ؟
من اعطي لك الحق علي الاعتراف بديانة والاعتراض علي اخري
هل ستجدي من يتفق معك علي ذلك ؟
اذا كان العالم كلة كاغلبية طبعا غير متفق علي الهوية الله
بمعني ان اغلبية العالم الان ملحد بدين غير الديانات السماوية اصلا
اذن ما موقفك هنا ؟
هل تعلمي ان الاسلام دخل الاراضي الهندية عن طريق التجار
اي ان هناك مسلمين عاشو في عصر ما اعترفو بق الاخر في اختيار ديانته وتعاملة معه
ثم القران لم يمانع في اتخاذ اي ديانه اخري غير الديانات السماوية عكس ما تفهمين
اليس الله القائل
*********
لكم دينكم ولي دين
**************
اذن ما الحال هنا ؟
لماذا لا نقول لهم لكم دينكم ولينا دين .. علي الاقل كما امرنا القران
آآآآآآآآآآدم المصرى
أولا أشغلك أغنية لا أنا مسطول ولا مطوح
ياااااااابنى أنا بتكلم من داخل الإسلام ماليش دعوه بأى حد ملحد
الإسلام قالنا إن فى ديانتين نزلوا قبل الإسلام ومقلش إن فى بهائيه جايه فى السكه .... فهذا هو النطلق بتاعى
وبعدين أنا عارفه الإسلام إنتشر إزاى فى الهند بس ده وضع مختلف الإسلام كان فى بدايته والتجار كانوا نوع من أنواع الدعايه للإسلام لنشره
لكم دينكم ولى دين
هذه الآيه قيلت للكفار قريش فى بداية الدعوه الإسلاميه لما كان الإسلام يحبى أما الآن المفروض يكون الإسلام العملاق سيد الأديان ولكن نتيجة الأحوال ةالشخصيات السياسيه الفاشله الموجوده حاليا فهو تحت الأرض
زبعدين ليه نكون بالسلبيه دى ليييييه ما نخدش على عاتقنا نشر الإسلام
وإرحم إيديه
تورنادو
ماشى حعديهالك المره دى
ايه الحكايه حتعمل إنت ومكسوفه حوارات عندى هنا ولا ايه
يالله مش مشكله
فانتازيااااااااااااااااااااااااا
فانتازياااااااااااااااااااااا
تصليح خطأ مطبعي
ديانه عند الهنود وليس
، اليهود أسمها السيخ
وهؤلاء يمكن معرفتهم من خلال العمامه الكبيره الملفوفه حول رؤوسهم ، وتلك العمامه تغطي شعورهم الذي تفرض عليهم ديانتهم تربيته منذ الميلاد وحتي الموت ، فحرام عليهم أن يقومون بقصه أو حلاقته
مش عارف بس حاسس ان لو سمعك بن لادن هيعرض عليكي الجهاد ويتنازل هو
لكن الحياه مش كده
احنا عارفين ان الاسلام اخر الديانات .. لكن مش شرط انه يعم الدنيا كلها
وربنا مش بيطالبنا بكده
بعني لو كل الناس بقت مسلمة .. مين هيخش النار ؟
ههههههههههه
مش تريقة والله ... لكن ربنا خلق الجنه والنار وعارف ان دي ليها ناسها ودي ليها ناسها
تيجي انت بقي بجلالة قدرك تقولي لا لازم الناس كلها تكون مسلمة لان الاسلام لازم يعم
انت بتفكريني بالولد بتاع الكوتشينة واللي لازم يقش
يابننتي الحياه مش كده .. مش عشان انا مسلم ارفض اتعامل مع الناس الي مش مسلمة
ثم انتي ايه اللي يدايقك لو مارستي دييانتك بحرية واللي جنبك في نفش العمارة مارس هو الاخر ديانته بنفس الحرية
علي فكرة كلامك ده اسمه ديكتاتورية
اهنيكي ممكن تكوني رئيس كويس
مكسوفه
بعد ةايه تصليح الخطأ بعد مادخلت الامتحان وسقطت خلااااااااص
مستقبلى ضاععععععععع
آآآآآآآآآدم يا مصرى
لالالا متوقعناش فى الغلط يا باشا أنا لا ارفض التعامل معهم زيهم زي المسيحيين بتعامل عادى جداااا
ده لو قابلت بهائى يعنى بص أنا اعترض على الاعتراف بهم وعمل البلبله
وبعدين فيها ايه لو الاسلام عم سبحان الله ماهى دى رسالتنا فى الحياه طب بلاش دى نحسنه طيب ده ربنا حيقول ماذا فعلت لدينك
أأأأكيد حنهرش رسنا ونقول والله العيال يارب انت عارف وحسنى كان مزنق علينا وكان فى بهائيين قلنا نسيبهم فى حالهم اصالنا طيبيين مع غرنا ومع بعضنا متشردين
وبعدين متعرفش انى من معزى هتلر باشا وبعون الله حتلاقينى الريس وانت اول واحد حدخله المعتقل
شكلك بتاع مشاكل
ههههههههههههههه
الدكتاتوريه فى نشر الاسلام ديمموقراطيه
وإرحم ايدى
فانتازياااااااااااااااااااااا
فانتازياااااااااااااااااااااا
ههههههههه
فيه حاجة اسمها الديكتاتورية في نشر الاسلام ديموقراطية ؟
***********************8
لا اكراه في الدين قد تبين الرشد من الغي
***********************
اسف .. لو قلتلك مين انتي علشان تخلي واحد يغير ديناته اللي مش عجباكي
ثم ايه الفرق بين مسيحي ويهودي وواحد ليه دين تاني .. الفرق بس انك بتتعاملي منطقك انت لحل المشاكل
لكل انسان منطق هو الاخر .. ما شكل العالم اذن اذا رفضت اصحاب المذاهب المختلفة التعامل مع بعضها
*****************
وجعلناكم شعوبا لتتعارفو
********************
ثم انتي مين قالك انه هيكون فيه بلبلة اساسا .. ولا انت بتتوقعي ضعف الايمان في قلوب الناس ؟
زي ما انت مؤمنه هتلاقي اللي زيك .. واللي مش هتزعزع عقيدته شيء ... لكن ما ينفعش الانغلاق والجمود اللي حبسنا فيه المعممين والماندين باسم الاسلام علي مر العصور
لكي ان تتخيلي لو الجمود الذي اصاب العقول ..ما كان الحال الان
ارجوكي قفي بين نفسك واساليها ماذا يضرها اذا كان هناك احد بجوارها لا يريد ا ينطق الشهادة
ولكن اطلبي منها ان تقول ماذا يضرها هي .. ولا تتحملي وذرات ناس اخرين وارجوكي لا تتحملي مشقة عنهم فهم كفيلين بالدفاع عن دينهم هم الاخرين
والسلام
آآآآآآآدم باشا
والله عامل للموضوع حس وزيطه
بس عندى احساس ان بعد كده فى ضرب عيب متفقناش على كده
ياسيدى انا لا شايفه نفسى حاجه ولا محتاجه
وبعدين البهائيه مش عاجبه الإسلام وانا ايه والإسلام ايه
جزء من مكوناته
وبعدين انت شوفتنى ماسكه شومه وبضرب بها البهائيين حسيستنى انى وحش
مش كده حراااام عليك أنا بقول رأى اننا كمجتمع اسلامى لازم نرفض الحاجات الدخيله مينفعش نستورد بطاطا وفيها اتنين مسمومين وأعدى الطلبيه بترجع تانى زى اوروبا بتعمل معانا
لأن البايز بيعدى السليم
وأنا ورااااك كل ماتكتب انا حرد مانا مش ورايا غيرك استقيل من الكليه والحياه
يالله
ترنادو
منور والله كلامك مع ادم باشا وماينوب المخلص الا تقطيع هدومه
فمعطلكمش
فانتازيااااااااااااااااااااااا
فانتازيااااااااااااااااااا
اننا كمجتمع اسلامى لازم نرفض
**************************
ههههههههه
ما فيش فايده فيكي .. دايما بتتكلمي بصيغة المجتمع مع انك فرد فيه .. مالكيش اي الصلاحيات انك تتكلمي باكم المجتمع الاسلامي
ثم مين قالك ان البهائية مش عاجبة الاسلام ؟
وايه يهمني ان كان البهائية فرقة من الاسلام او منشقة عنه اذا هما قالوا بعضمة لسانهم احنا مش مسلمين ؟
اللي متضايق بس هما اصحاب العمائم زي ما قلتلك قبل كده
لكن وانتي بتروحي الكلية او اتجوزتي او روحتي شغلك او ماشية في الشارع
اثناء كل ده .. البهائية عملت لك ايه ؟
الازهر شجب واستنكر والجوامع في كل حته مالهاش غير السيرة دي .. ما سالتيش نفسك مرة .. من امتي الشيوخ في جوامعنا متفقين مع حكومتنا في قضية واحدة ؟
ظروف خلت الكومنت ينزل متقطع .. اسف
****************************
المهم تفتكري من امتي بقت الحكومة متدينه ولا الشيوخ بيفهموا في السياسة ؟
دي كلها مصالح عليا مثل ما يقال ..الدين الاسلامي عمره ما فرض بالقوة .. وعمر ما حد دخل الدين عن اقتناع بالعافية
الا اذا بقي سمعنا عن فانتازيا النازيا اللي هتحارب من اجل انتشار الدين
الاستاذ تورنادو
ذكر الله في القران الكريم ان عيس وموسي وابراهيم وكل الانبياء مسلمين
واقرا البقرة .. لان ذاكرتي لا تسعفني لاستشهد بالاية
ولكن ما اتذكرة ان هناك ايه تقول ان سيدنا ابراهيم
ما كان يهوديا ولا نصرانيا بل كان حنيفا مسلما .. هل تظن ان ابراهيم علي دين محمد قبل ان يولد محمد اصلا ؟
هذا علي اتفاق شيوخ اجلاء ايضا
هههههههه
والسلام
يا آآآآآدم يامصرى واضح إن فكرتك عن الإسلام والمجتمع الإسلامى مختلفه عنى تماما
ليه مش قادر تفهم إن عشان الإسلام ينمو فى المجتمع يبقى أفراده تتجمع وتتكاتف مع بعضها والفرد يدوب فى الجماعه وصلاحياتى إنى مسلمه تريد الأحسن لدينها
وبعدين للمره المليون أنا لا احاول أن اقعهم الدخول فى الإسلام ليست منطقتى
حقولك هم بقى عملولى ايه
إفرد إنى مثلا إنسانه متذبذبه وعلى الحركك فى الإسلام وقاعده جنبى بهائيه مش حتحاول تقنعنى الدخول فى البهائيه وأدخل فعلا
مش كفايه رسالات التبشير كمان بهائيه ولو فضلنا نقول وإحنا مالنا بهم حنصحى الصبح نلاقى المجتمع بهائى
وساعتها حنكون سلبيييين جداااا
هو رأيك ده زى رأيك أو رفضك لحرب لبنان لإسرائيل ومافيش حاجه تغيره
بقولك ايه تيجى نكلم فى موضوع تانى .. وإنت عامل ايه فى الكليه أخبارها ايه وحشه زى بتاعتى ؟؟؟؟؟
وسلامات سلامات
فانتازياااااااااااااااااا
فانتازياااااااااااااااا
ههههههههههه
قاله صحيح انتي كلية ايه ؟
تعرفي اني معرفش انتي كلية ايه ؟
ههههههههه
بس تعرفي .. لو انتي قاعده جنب بهائية مش هتحاول تدخلك اصلا في دينها .. الدين الوحيد اللي ليه ايدلوجية وفكر انتشار وتوسع هو الدين الاسلامي
وكل المحاولات اللي بتعملها الاديان الاخري .. هي محاولات مقاومة من زحف التقدم الاسلامي
لكن صدقيني .. واحد مسلم فعلا مؤمن وقادر علي التغيير
احسن كتير من مليا ولكن غثاء السيل
والسلام
هههههههههههههه
اسلوبك اجبرني علي احترامك اخي العزيز
انت اذن تري ان افكاري صهيونية او امريكية ؟
لن اعلق علي هذا بالطبع ولكن دعني اقول ان شيئ صغير
لماذا ينحصر دفاعنا عن حرية الدين بالاستشهاد من داخل الدين الاسلامي .. هل تعتقد اننا سوف نصل الي لغة تواصل بين المسلمين وغيرهم اذا كان كل كلامنا .. قال الله وقال الرسول
اخي العزيز
الحديث الذي ذكرته جميل هههه
ولكن هل تعتقد ان به الدليل الكافي المقنع لاصحاب الديانات الاخري علي ان محمد خاتمهم ؟
انا لا اعتقد هذا
ثم اذا انا لا اري الصهيون والامريكان يتمتعون بنفس مقدار التسامح الذي يتمتع به فكري
هههههههههههه
بالفعل هذا نوع من الغرور
انا فى كلية التعابين صعبه وممله
اومال ايه رسالات التبشير دى أعتقد انها موجوده قبل الاسلام
ومنور والله
ياادم انت وتورنادو صوتكم مايعلاش انتم فى بلوج محترم
فانتازياااااااااااااااااااااااا
فانتازيااااااااااااااااااااا
هل البهائية ديانة أم حركة فكرية؟ وما الفرق بين العقائد والحركات الفكرية من جهة والأديان من جهة أخرى؟
http://www.freewebs.com/bfacts/tr_ar.htm
حسام
ايييييييييه
انتوا عامليييييين اييييييييه
واحشني اللي يخرب بيتكوا
كل سنه وانتو طيبين في البداية .. تورنادو
انا مش عارف ايه اللي مضايقك .. ثم انت مالك انا ديانتي ايه
انت لو مش فاهم كلامي احسن لك ما تردش وما تتعبنيش معاك
بقولك لو بتكلم واحد اصلا غير معترف بالاسلام لو فرضنا انه ملحد فرضا .. وعايز تقوله ان الله واحد .. هتقول له ايه ؟؟
اوعي تقولي هقول له
******
قل هو الله احد
*********
اسمحلي ساعتها تبقي مجنون
هو ده اللي اقصده سعاتك .. لازم توصل للغة حوار مشتركة بين المذاهب والمعتقدات واوعي تقولي انغلق وما اكلمشي الناس دي علشان انا شبعت سفسطة لديني
الانسان مخلوق لا يستطيع ان يعيش في عزلة .. لذلك خلق الله حوا لتؤنس ادم
والعزلة التي فضها علينا بعض اممة الكفر من نادوا بقال الله وقال الرسول هي من اوقعتنا في شرك التخلف الاي الان
اخي حسام
ما يضرك اذا كانت البهائية دين او حركة فكرية ؟
هل انت مؤمن بدينك ؟
تحب نبيك ؟
اذا كانت اجابتك نعم فاحب ان اقول لك .. لا يهمك اذن اذا ظهر دين جديد او اختفي دين كان موجود
اله يفصل بيننا في الاخر .. لم يوكل الله بشر علي بشر لكي يفرضوا دينا او ماشابه
لكم دينكم ولي دين
قد تبين الرشد من الغي
لكل نفس ما كسبت رهينه
كلها ايات توضح ان الله هو المجزي المحاسب في النهاية ليس انا ولا انت
والسلام
Post a Comment