مد الليله والليله طول العهد
والوفا طيف بيناجى شاجى لا يبرح مكان الجرح ,
والجرح نازف والدم لونه اغمق من الحبر ,
والحبر حبسه الكلام فى سطور مكتوبه على حجر ام ساعة نفاس وصراخ امتى تهل
وتتشوج الام
والشوج يلم النفس من موجه خايفه تفوج ساكنه عيون سمكه ملونه بلون السما لا هى زقا ولا بيضه ولا لون الجلب
وتخاف الحنينه
تقول اعلّمه يكون قاسى اقسى من الزمن لايهمه عهد ولا وفا ولا موج عالى ,اخاف يكبر يلاجى نفسه وحيد يجوم يبكى من الجفا
ولو قاسى عمره مايعرف طعم البكا
ويكبر القاسى جاحد والدين كله طيبه مايمس غير الجلب وأنا بايدى هموته جواه
بس الموت دلوجتى غالب والجاتل قادر واللى يجتل مره لا يخاف من الموت ولا يشيل هم
الكل يهابه ويطلع فوج السما عالى بس الطار هيظل طيفه وصديجه اللى ميبارحه ليل مع نهار
.ويمكن يوم يرمينى ويقول ماعلمتينى .أخاف اعلمه الطيبه والدين يعيش فى ظل الموت والارهاب ماكن
ياناس دلونى
أنا أمه وهديك ولدى .ما حدى هيعلمه غيرى ولا حدى يعذبنى غيره .وفى الأخر يجول
ليه جبتينى الدنيا ياما
كنت جوه جسمك مرتاح .ماعرفت طعم الغدر ولا المال ولا ناس جاهله بتظلم وتقسى ونسايه
وتجرب منى الولاده" هديك وجتك يابنيتى افرحى هيجيكى خلف يساندك ويشيل عنك العين ويحميكى" وأصرخ واجول فى سرى يمكن أموت من الالم ومالحجش أشوفه
---------------------------------------------
---------------------------------------------
---------------------------------------------
---------------------------------------------
الخوف بئر من الحرمان يحملكى على جناحين لا يلتقيا جسدا ابدا /لكل منهما نظير من الطين ومن النار ومن النور يتمثلان الصخر ان جئتى بهما سرا من اسرار الخلق /يعكف الجناحان عند السماء الاولى يتكشف لهما ملك جميل ليس له جناح ينظر اليهما نظرة العشق والانتظار /لا يرى الحناحان سواكى والملاك لايرى سواهما/ يقترب , أنصحكى ألا تحدثيه فلن يلتفت اليكى /العشق لايعمى العين والقلب ولكنه يسجن الروح ايضا, ولا تهربى /انظرى كيف عاد طواعية الى السماء واختفى/انه طائع لاوامر الخلق /عليكى اذن أن تعودى حتى يلين لكى الحناحان ولا يتصلبا/ ولا تنسى أمر الخوف انه سر لا يدركه سوى جناحان لا يلتقيا جسدا ابدا
كروان
ا
19 comments:
بجد يا كروان بوست جامد اوى بس عايز تفكير كتير عشان اعلق انا هروح اقراة تانى وافكر هقول ايه عشان بجد مش عارف اقولك ايه
اول مره اجى هنا بس اظن انها مش الاخيرة لود ا ميديئكيش
الموضوع فعلا سنة الحياة .. اظن يتعلم الدين .. مفيد دنيا واخره حتى وان كانت الدنيا بهذه الوحشية
دمتى بسعادة
سنة الحياة يا ابني
حلوة
عزيزتي كروان
اولا : فكره البوست جميله
ولكن اسمحي لي ان اتكلم عنه كجزئين:حيره الام ساعه المخاط , وتفكيرها في مستقبل ابنها الذي لم ير النور بعد
هل ستعده لمصيره المقرر "التار" وما يجلبه معه من متاعب وهموم وحيره اكبر
ام تحاول ان تعاند القدر وتغير هذا المصير المكتوب
ولانها تعرف جيدا طبيعه المجتمع المحيط بها فحيرتها تشتد
ولا تجد حلا لحيرتها الا رغبتها الخفيه التي لا تستطيع ان تعلن عنها وهي موتها قبل ان تراه
فهي تري ان ذلك هو اسلم حل لحيرتها
...............
هذا هو الجزء الاول
ولي بعض التعليق عليه
اولا اللغه المستخدمه وهي اللهجه الصعيديه التي اري انك استخدمتيها هنا لتعبري عن فكرتك بوضوح , وهذه تحسب لكي ان كنت نجحت في استخدامها
ولكني اري -نظرا لانني صعيدي الاصل- انك لم تنجحي في ذلك , فانا لم احس بامرأه صعيديه تتكلم , بل احسست بامرأه تحاول تقليد الكلام
ثانيا: حوار الام مع نفسها لم يأخذ الشكل المتوقع من انثي تهاجمها ساعه المخاط
فالحوار مرتب جدا وكانها تحدث نفسها في وقت فراغ لطيف وليست ساعه عصيبه كتلك
هذه الملاحظات-وان كانت لا تضعف النص - الا انها لم تقنعني بهذا الجزء منه
......................
نأتي الي النصف الاخر من النص والذي اعتبره قيمه فنيه عاليه , فهنا تلعبين في ملعبك الطبيعي , لغتك السلسه,مرادفاتك البسيطه , تناولك الجذاب كل هذا استطاع -بسهوله- ان يجعلني اعيش معك في هذا الجزء
اعجبني تعريفك للخوف , خاصة انني غالبا ما تعجبني التعريفات الشعريه للمرادفات اليوميه
.......................
عزيزتي
دمتي بود
اولا : احب احييك علي اللهجه الصعيدي
ثانيا : احب احييك برده ع اللهجة الصعيدي
اما ثالثا : فاحب احييكي علي الاسلوب الرائع والصور الجميلة
رابعا : الفكرة بتاعتك عبقرية
كل الناس ممكن تكتب
الكلام ايه
غير شوية حروف
اترصصت بقت كلمات
لكن مش اي حد بيعرف يقول كل اللي جواة
بحييكي مرة اخري
يا كرواااااان
كروااااااااااااااان
خليها ياسيتى تعلمه الدين على اصوله
الدين مش بيطلع الواحد يتاكل على قفاه ده بيطلعه محنك
بس الناس تفهم
وعلى اى حال المجامله واجب برده
حلوه
فانتازيااااااااااااااا
فانتازيااااااااااااااااااا
حلوة قوي .. تحياتي في أول زيارة لي
بوست راقي و مشاعر ارقي
سنة الحياة و الكلام المكرر بس هو الحقيقة الي تقبلها ارتاح و الي رفضها يبقي بيعاند الحياة
بجد البوست ده جامد جدا و اكتر حاجه عجبتنى تحكمك فى استخدام اللهجه الصعيديه فى الكتابه اللى اعطت الموضوع مصداقيه كبيره جدا
و الموضوع كله راءع بس هيه ديه سنه الحياه و لاخر الدهر ستظل الحيره باقيه و سيظلم الالم باقى و سيهزم الامل كل هذا لتستمر الحياه
تحياتى مره اخرى
نفسي أكون روح
روح بس
روووووووووووووح
كوكى
ازيك وكل سنه وانت طبيه
البوست حلو وطريقة عرض اللهجة حلوه
ولا تنسى أمر الخوف انه سر لا يدركه
سوى جناحان لا يلتقيا جسدا ابدا
احيانا الخوف بيضيع مش بيوصل
بس تشبيهك حلو
:)
شكرا
حفيدتى كروان
كل سنة وانت طيبة بمناسبة عيد الفطر
اجدع باسم
روح اقراه
تورنادو
سنة الحياه هى اللى روعه
فرعون
ياسيدى تنور
متغبش بقه لحسن ندوخ مع بتوع الكهربا
لمياء هحمود
كروان بنت مش ولد
ابو أمل
شكرا
سلامه
الحلم يسرق الحزن
ادم المصرى
خلاص بقه بقيت مننا وعلينا
فينو المجامله
مكنتش اعرف انك اتغيرتى وبقيتى تعرفى تجاملى اظاهر اننا بعدنا كتير
المواطن المصرى العبيط
ياسيدى عقبال التانيه والتالته والرابعه وووووووووووووووووووو
ساره
تعليقك عجبنى
شريف غريب
مبسوطه لان البوست عجبك
غاده
روحى يابنتى
مورجين
كل سنه وانتى طيبه ياقمر
ارسطو
عفوا
جدو
وحشتنى
كروان
تعالو بسرعه ادعو معايا قبل رمضان ما يخلص
يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال
أنا إيميلي اتسرق وفي ناس زعلت منى لحاجات حصلت مليش ذنب فيها ياريت يا كروان انتى وفانتازيا لو وصلك من الاميل حاجه أوحدكان فاتح تعمله إجنور من عندك لحد ما اتصرف
معلش يا جماعه هي دي الطريقه الوحيده اللي أقدر أوصلكم بيها اللي حصل
Post a Comment