Monday, March 26, 2007

الحكومه بتشتغلنا

انا النهارده خدت حتيت دين قلم طلع من نفوخى ..... الحكومه بتشتغلنا .... يا قهرتى يانا
انا ححكى على اللى حصل ... صحيت من النوم بدرى وياريتنى ماصحيت ولبست اليونىفورم ونزلت على الكليه عشان
طابور العرض بتاع الأسر لكل الكليات بالجامعه عندنا وانا كنت تبع اسرة رسالة الصيادلة وماشين بقى لابينا ولا علينا ومزيكة حسب الله شغاله وميت فل وعشره والناس تصور لما فضيحتنا بقت بجلاجل وعدينا من قدام سيادة رئيس الجامعه على الله نكون بسطنا سيادته كده ان شاء الله وبعدين واخدين فى وشنا وماشين ..... وواجهنا الصدمه المفزعه
قال ايه ماسكينا وخارجين من باب الكليه ورايحين نستفتى لأ وبإيه... بنعم ...... يااااااالهوىىىى

ياولاد إل...... أتاريهم عاملين الطابور اليوم ده عشان يستغفلونا اكتر من احنا مستغفلين ويجرجرونا للإستفتاء
احنا لما لاقينا الوضع كده عند اول منحنى لفينا وطلعنا من الطابور نفدنا بجلدنا على اخر لحظه
لأ وشويه نلاقى بتوع تربية رياضيه هاجمين زى ...... سيقينهم بيفط نعم للدستور الجديد وهيلا بيلا للإستفتاء
لا وهم ماشين ولا فى دماغهم الهوا
وحاطين حرص على اللجان وشعارهم ياتكتب نعم يا نكسر رجلك ... شعار مميز فعلا
لااا وشفت حاجه كوميديه جدااا واحد كده مش عارفه جاي منين وشايل يافطة نعم للتعدلات للدستور بالشقلوب صورناه بس الصور ما وصليتليش لسه حنشرها اول ما توصل ... يعنى الرجال اكيد كده متأجر حتى لو مش متأجر هو مش فارق معاه الهوا نعم بالشقلوب بالمعدول اهو ماشى يرضى الحكومه وخلاص
بجد بجد كان يوم حزين بالنسبالى قوى ........ وقعدت اسأل نفسى هل فى اسوأ من كده ممكن نوصله ؟؟؟؟؟
ويؤسفنى انى اقول إن الكلام ده كان فى جامعة الزقازيق
ياااااااااه بجد حلم اننا ممكن نتحسن بقى بعييييييييد قوى قوى قوى انا ما بقتش شيفاه اصلا
حقول ايه فى الأخر غير
ياااااااااا سعاااااااااااااااااااد غطينى وصوتىىىىىىىىىىىىىىى

Friday, March 23, 2007

عن الدستور المعدل


الشخصيات :- 1- البطل الزوج المفحوت

2-( سعاد (طليقة أدم المصرى


المكان :- فى بيت كل مواطن مصرى مفحوت


الأحداث:- الفصل الأول

المشهد الأول


تدخل سعاد بوزنها الذى يثقل كل كاهل يحمله .... على زوجها فى غرفة النوم وهو ممدد على سريره

فينظر لها بنظرة اسى لا نهاية لها

ويقول لها :- سعااااااد

غطينى وصوتى يا سعاااااااااااااااااااااااااااااد



وتسدل الستار

النهاااااااااااااااااااااااااااية

Thursday, March 15, 2007

أحرف عابثة

حسرات
حسرات
حسرات
تقطر دمعها على رداء الصمت
فتأكله
فما يخرج مننا إلا عبثا
استشرس الثأر أحروفك
فابق حيث أنت ... حتى لا أضرب رأسى
بجمرة تلهبها نار الندم
وابق حيث انت ... فما عاد
الألم يحتاجك
إهداء لك أيتها الحلم الضائع

Saturday, March 10, 2007

أقوال مبعثره 1



عندما يقذف بك أصدقاؤك فى حفرة المهلكات
ويشدون لك أعصابك حتى تصير وترا باللمس ينقطع
فتغاض عنهم ....؟
.................................................

عندما ترى ظلالا ترمى بثقلها على أوجه الناس
ولا تستبين نفسك فى أعينهم
فكن وحيداا ......... ؟
.................................................

عندما تنشد بداخلك ببعض الروح فتلمس سوادها
وتظمأ ولا تمد يدك للماء
فكن ميتااا ......؟
.................................................

عندما تشهد تساقط اوراق الشجر فى الربيع
وفيضانا فى جوف الصحراء
فكن مجنونااااا .....؟
...................................................

عندما يقهرك الظلم
ولا يستجاب لدعواتك اللحظية
فكن ملحدااا .... ؟
....................................................

عندما تبنى امتك حائطا تاريخيا
ثم تكتفى بالبكاء عليه
فسب حكومتك ......؟
....................................................

ولكن أو تعلم
عندما توصل ذلك الحبل الذى انقطع باستغفار وإنابة
وتتذوق حلاوة القرب من الله
فستنجوووو
تحديث :- هذا المقطع الأخير إهداء لك
يا من كانت روحاللبنت الطيبة

Sunday, March 04, 2007

ملامح الملاحم

بعفوية غير مقبولة .... إنسابت منى خصلات الرؤى تتلو شعائر الرباط الذهبى لأمد غير محدود
شددنا طرفى الرباط بقوة لنحكم عقدته حتى لا تنفرط لآلئه وتعددت الملامح على وجه الطرف الاخر
وظل الامل واحد
وشعرت مع كل ملمح بإكتمال غير بشرى لأطراف رقعتى من الحياة فصليت مع كل إسم فى المعبد تقديسا لرباطنا
وتغرب الشمس ويطل القمر أحدب سواده ينظر إلى وانا لا أرى نوره
تحسست الأركان وانرت الشموع وعصرت حاجبى حتى كادا يندمجان مع مقلتى بحثا عنهم
فلم اجدهم
وشددت طرفي من الرباط ليسقط بين يدى مقتولا
ولا أدرى إن كان رغما عنى أو إنتقاما لدمعى المتفجر ..... أملت كل شمعة فإلتفت حوله النار تشدو رمادا مع أوركسترا همسات الريح
فضاعت منى الرؤى وضعت منها ... وصرت غريبة أحلم بحلم ليس لى
والآن ......أكتب برسائلى هذه أعلقها على جدران المعبد كإعلان بالي يرفض أن يتمزق وتتراكم
عليه أوراق أخرى ولكنه سيظل هناك خلفهم يرسل نبض حروفه من آن لأخر
فتواروا عنى
ولينحصر كيانى داخل إطلالة ظل قاتل
وليموت خفقان الصبر فى قلبى بصدر الامل
ودعونى أقدس الآلئ فى المعبد
معبد ..... يخلو من البشر